كان يا ما كان
كان فى قرية صُغيرة . ففى يوم من الايام
قالت الحمامة:نسكن مع بعض وكل واحدة تكنس بيتها وترتبه
وافقت القطة والسلحفا والفرخة إلا الارنبة هى الوحيدة اللى مرضيتش
وقالت:ترتيب البيت بيتعبنى !!!
راحت القطة للحمامة وقالت :شفتى بيت الارنبة مش نضيف ازاى
فراحت الحمامة للسلحفا وقالت:الارنبة مهملة ولازم تسيب الاهمال دة
اجتمعت القطة والفرخة والحمامة والسلحفا وراحوا للارنبة
فقالت الفرخة للارنبة : بصى الدبان المقرف الى حواليكى !!!! دة سبب الامراض
ضحكت الارنبة و قالت: اما عجايب والله!!!!! بقا الدبان سبب الامراض ههههههههه
انا مش مصدقة !!!
فكروا الاربعة وقالو: احنا الاحسن نبنى سور بينا وبين الارنبة احنا مش ناقصين امراض وقرف
وبعد ايام نقل الدبان الامراض للارنبة
وعرفت الحمامة الخبر فاجتمع الاربعة واخدوا معاهم حزمتين خس وجزر وراحوا
يزورا الارنبة
فقالت لهم الارنبة : اناكنت غلطانة كح كح
ولما خفت الارنبة مسكت بيتها خلته فل
ورمت الزبالة رمتهااا بعييييييد ولونت بيتها بالوان جميلة ففرح اصحابها
وشالوا السور الى كان بينهم ومن ساعتها وهما عايشين فى قرية نضيفة وجميلة
